𝗜𝗦𝗥𝗔𝗘𝗟-𝗜𝗥𝗔𝗡 𝗧𝗘𝗡 ‘𝗜𝗡𝗞𝗔𝗛𝗛𝗔𝗜’ 𝗔𝗡 𝗕𝗔𝗪𝗛𝗖𝗛𝗛𝗘 𝗡𝗚𝗛𝗔𝗟 𝗩𝗘 𝗩𝗘

(𝘛𝘳𝘶𝘮𝘱 𝘵𝘩𝘪𝘯𝘶𝘳𝘪𝘯 𝘐𝘴𝘳𝘢𝘦𝘭 𝘢 𝘥𝘦𝘮, 𝘐𝘳𝘢𝘯-𝘪𝘯 𝘯𝘶𝘤𝘭𝘦𝘢𝘳 𝘣𝘰𝘮𝘣 𝘢 𝘴𝘪𝘢𝘮 𝘵𝘩𝘦𝘪𝘩 𝘢 𝘳𝘪𝘯𝘨 𝘵𝘢𝘸𝘩 𝘭𝘰)

𝓟𝓱𝓾𝓪𝓱𝓴𝓱𝓪𝔀𝓶𝓽𝓾

~ Zoa Tlau (24.6.2025 tlai dar 5:09)

Buannel Cabin

Trump chuan inkahhai a puan hnu leh ram pahnihin an pawm hnua an inbeih leh avangin Israel lakah a lawm lo hle tih a sawi a. “Iran lakah pawh ka lawm chuang lo,” tiin ram pahnih lakah a lawm loh thu a sawi.

Israel hian inkahhai a pawm hnu lawka US President hmalakna bawhchhiaa missile hmanga Iran a beih leh nghal avang hian Trump hi a thinur takzet. Ram pahnih hian Trump hmalakna hi an bawhchhe nghal ve ve a. Trump chuan Iran hian an nuclear programme hi an din thar leh thei mai mai tawh lovang, a ti thung.

‘𝗖𝗲𝗮𝘀𝗲𝗳𝗶𝗿𝗲’ 𝗯𝗮𝘄𝗵𝗰𝗵𝗵𝗶𝗮𝘁 𝗵𝗺𝗮𝗶𝗻 𝗹𝗮𝘄𝗺𝗻𝗮 𝗮 𝘁𝗵𝗹𝗲𝗻𝗴 𝗵𝗺𝗮𝗻:

(Note: Hei hi inkahhai an bawhchhiat hmaa report a ni)

Israel leh Iran chu Donald Trump-a’n ‘inkahhai’ tura a nawra a puan hnan khan missile hmanga inbei lehin, Iran-in Israel residential complex a beihna Israel-in a chhânglet a, inbeihna hi a tawp ta rih niin report a ni. Trump hian Israel leh Iran inbeihna chu ‘TWELVE DAY WAR’ tiin a sawi.

Israel hian Iranian pakua, nuclear scientist pakhat telin a bomb hlum niin news report a ni a. Hei hi Iran-in a beihna hnuhnung a chhânna niin sawi a ni a, Iran-in Israel mi pali an that bawk.

Iranian state television chuan vawiin chawhma dar 7:30, Iran sana, khan inkahhai hi a taka kalpui niin a report a. Iran official erawhin Trump-a’n inkahhai a puan hnu khan engmah an sawi zui lo a, hemi hma fê hian Iran ‘top diplomat’ te chuan ‘airstrike’ an tihtawp tur thu an sawi tawh.

Thil a ṭha lama rei vak lo a kal hnuah buaina hi a punlun leh ta a ni e.

𝗜𝗿𝗮𝗾-𝗶𝗻 𝘁𝗵𝗹𝗮𝘄𝗵𝗻𝗮 𝗮 𝘀𝗲𝗿𝘃𝗶𝗰𝗲 𝘁𝗶𝗿 𝗹𝗲𝗵 𝘁𝗮:

Iraq chuan Israel leh Iran indona ni 12 a thlen meuh chuan an airspace chu hawngin, thlawhna a service tir leh tawh niin Iraqi Civil Aviation Authority chuan an puang. Israel-in inkahhai a remtih tak avanga thlawhna hi service leh thei ta a ni, tiin report a ni.

(𝙺𝚑𝚊𝚠𝚝𝚑𝚕𝚊𝚗𝚐 𝚖𝚎𝚍𝚒𝚊 𝚕𝚎𝚑 𝙼𝚒𝚍𝚍𝚕𝚎 𝙴𝚊𝚜𝚝 𝚖𝚎𝚍𝚒𝚊 𝚜𝚘𝚞𝚛𝚌𝚎 𝚊ṭ𝚊𝚗𝚐𝚊 𝚣𝚒𝚊𝚑 𝚊 𝚗𝚒 𝚎)