(๐๐ด๐ณ๐ข๐ฆ๐ญ ๐ต๐ข๐ฏ๐ข ๐ฆ๐ฏ๐ต๐ฉ๐ญ๐ข๐ต๐ถ 6 ๐ข๐ฏ ๐ต๐ช๐ฉ๐ญ๐ถ๐ฎ, 700 ๐ค๐ฉ๐ถ๐ข๐ฏ๐จ ๐ข๐ฏ ๐ฎ๐ข๐ฏ. ๐๐ฐ๐ถ๐ณ๐ฏ๐ข๐ญ๐ช๐ด๐ต ๐ข๐ฏ ๐ท๐ข๐ถ ๐ฃ๐ข๐ฌ๐ข๐ฉ ๐ข๐ฏ๐ฎ๐ข๐ฉ๐ฏ๐ช ๐ฎ๐ช๐ฑ๐ถ๐ช๐ข๐ฉ ๐ข๐ฏ ๐ต๐ถ๐ข๐ฏ)
๐ซ๐ฝ๐๐ถ๐ฝ๐๐ฝ๐ถ๐๐๐๐
~ Zoa Tlau (27.6.2025 zing dar 7:15)
Buannel Cabin
Indo a tawp thawkhat a, ’12-Day War’ zawh aแนญanga ni khatah Iran thuneitute chuan Israel Intelligence Agencies tana thawk nia rinhlelh an man แนญan a, mi pathum lรขi spy nia an hriat an khaihlum tawh niin report a ni a. Hetihlai hian Middle-east media แนญhenkhat erawhin hei aia tam daih hi an tihlum tawh niin an report thung.
He thil thleng mak danglam leh la awm ngai lo a ni a, Iranian security services hi Israeli agents te hian a rรปkin an hre hneh em em kha khawvel mak tih a tling.
๐๐ฟ๐ฎ๐ป ๐๐ฐ๐ถ๐ฒ๐ป๐๐ถ๐๐ & ๐๐ถ๐ฝ๐ฎ๐ถ ๐น๐ฎ๐น ๐๐ฒ ๐๐ต๐ถ๐ต๐ป๐ฎ ๐๐ต๐น๐ฒ๐ป ๐ฐ๐ต๐ต๐ฎ๐ป๐ฎ ๐ฝ๐๐ต ๐๐ฝ๐ ๐๐ฒ:
Iran thueitute chuan an rama mi pawimawh lutuk; nuclear an neihna tura thawktu scientist te leh senior commander แนญhahnem tak, Islamic Revolutionary Guard Corps (IRGC) innghahna thah an nih theihna chhan chu entglatu Israel tana thawk spy ten Israel hnena thurรปk an rawlrรปk vang niin an ngai. Israel intelligence agency Mossad te chu Iran tualzawlah a rรปkin thรปk takah hna an thawk nasa hlรช niin thuneitute chuan an ngai a ni.
แนฌhenkhat erawhin Iran thuneitute chรชt duh dan chu indo tuartu mipui lungawi lo te vaubehna leh mipui chunga thuneihna khauh zawk lekna hmanrua mai niin an ngai.
๐ฆ๐ฝ๐ ๐๐ถ๐ต๐ต๐น๐๐บ ๐น๐ฒ๐ต ๐บ๐ฎ๐ป ๐ฏ๐ฒ๐น๐ต ๐๐ฒฬ๐น๐ป๐ฎ:
Ni 12 chhung Israel leh Iran an inbeih chhung khan Iran ram chhunga Israel intelligence agencies nia an hriat mi 3 chu Iran thuneitute hian an tihlum a. Indo a zo a, inkhhรกi an neih aแนญanga ni khat a liam hnuin Iran thuneitute chuan spy ni ngeia an hriat midang 3 an tihlum leh tawh a ni.
Sorkar thuneitute chuan vawiin thlengin Israel tana Iran enthlรขk hna thawktu a za tel an man belh zรชl tih an puang ul ul mai a. Hei hian mipui a ti ralแนญi hle nghe nghe. State te TV chuan Israel tana enthlatu nia puh, Iran mi leh sa แนญhahnem tak telin, te inpuanna chu an tichhuak nasa hle a. An vieo record-a Israel intelligence te nen thawkho an nih thu an sawina te chu uar taka tihchhuah mรชk a ni.
Human rights groups leh activists te chuan Iran sorkar chet dan chuan hlauhthawnna nasa tak a siam niin an sawi a. Iran hian tharum hmanga inpuan luihtir an chรฌn รชm avangin an mi puhte chu enthlatu ni lo mah se, an inpuantir tho tho an hlau hle. Heng te avang hian tihhlum tur hi an la nei nualah an ngai bawk.
๐๐ฟ๐ฎ๐ป ๐๐ผ๐๐ฟ๐ป๐ฎ๐น๐ถ๐๐ ๐๐ฒ ๐ฎ๐ป ๐ฟ๐ถฬ๐ธ๐ฟ๐ฎ๐ฝ, ๐บ๐ถ๐ฝ๐๐ถ ๐ฎ๐ป ๐ฟ๐ฎ๐นแนญ๐ถ:
Iran thuneitute chuan ni 12 chhung indona kha khawthlang te leh Israel te inthurualna ‘rรขwng taka indona’ tiin an sawi a. Iran thuneitute chuan khawthlang ram leh Israel intelligence network แนญangrual a do thu an sawi a – CIA, Mossads leh MI6 ten an beihrawn niin a hria.
IRGC nena thawkho Fars News Agency chuan ni 12 indo chhung khan Israel agencies te Iran ram chhungah an che nasa hle tih a report a. Hemi chhung hian Iran intelligence and forces chuan rinhlelh mi 700 chuang an man hman a ti.
Persian แนญawnga Iran pawn aแนญanga indo chanchin puangzartu BBC Persian, London-based Iran International leh Manoto TV te chuan vauna nasa tak an tawk a. Indo chhรปng khan hlauthawng reng reng news an report a, Iran intelligence leh security force ten an chhung te an mana thahah an vau bawk.
Iran International reporter te chhungkhat ; nu leh pa bakah unau te chu an man sak a. Indo chanchin puang tawh lo tur leh an hna bansan turin an vau nasa hle.
BBC Persian thawktute pawhin Iranian Security official vauna na tak an tawk a, indo lai chuan an chhung te Iran-a awm chu hmelma anga target leh man theih an nih thu te an hrilh chamchรฎ a. Reporter te chu ‘Pathian kalh zawnga dotu’ tiin ‘mohareb’ niah an puh a, thihna hiala hrem theih an ni.
Manoto TV lam pawh an bang bik lo a, an chhung te chu sorkarin an vau nasa hle a. Reporter te pawh ‘Pathian nena inhmรชlma zawnga khawsa’ niin an puh a, Israel tรขna enthlatu-ah an puh bawk. An puhna hi Iran danah chuan thihna tenga inhrem theih a ni.
๐ ๐ถ๐ฝ๐๐ถ ๐ฐ๐ต๐๐ป๐ด๐ฎ ๐ต๐น๐ฒ๐ถ๐น๐ฒ๐ป๐ป๐ฎ:
Iran ram chhunga ziakmi, activist leh artist tam tak chu chhan mumal tak awm hauh lovin an man ringawt hlawm a. Kum 2022-a “Woman, Life, Freedom” lungawilohna lantirnaa sorkar do zawnga che te pawh tun แนญumah hian an man tel ringawt bawk.
An chรชt dan hi mipui vaubehna hmanrua a ni pahin a lang ber a, thuneitute laka lungawi lo te an hel mai loh nan sorkar thuneitute hi rรขwng tak leh dim nei hauh lovin an che a. Tun แนญum buaina kaihhnawih ni miah lo thleng tengin mipui hi an rรฎkrรขp tel a ni.
Mipui te lungawi loa sorkar dinglai paih tuma rampuma buaina lian zawk a chhuah mai loh nan thuneitute chuan indo แนญan tirh khan internet an titawp vek a. Inkahhร i hnuah pawh internet hi an la titawp zui ta zel a. Social network แนญhenkhat; Instagram, Telegram, X leh YouTube, news websites BBC Persian te chu Iran sorkar hian a tihtawpna a rei tawh a, Iran aแนญanga an lut duh a nih pawhin Virtual Private Network (VPN) proxy service kaltlang a ngai.
๐๐ฟ๐ฎ๐ป ๐ฐ๐ต๐ฎ๐๐ต๐๐ต๐๐ฏ๐ฎ๐ฟ๐ฎ๐๐ต ๐ฎ๐ป ๐ต๐น๐ฎ๐:
Human rights advocate leh political observer te chuan kum 1980 chhoa thil lo thleng tawh ang kha a thlen an hlau hle mai a. Iran-Iraq War neih แนญum khan Iran sorkar chu tualchhung politics-a an ep te chungah a แนญuan vak mai a nih kha.
Israel nena an inbeih hnu hian Iran chu khawvel mithmuhah a tlahniam hle a, hei vang hian Iran thuneitute chu anmahni tualchhungah แนญuanin mipui tihhlum, a rem rem man khawm leh inawpbehna rip zawkah a แนญuan mai an hlau a ni.
Kum 1988 indo แนญum pawh khan human rights advocate leh political observer te sawi dan chuan Iran hi anmahni mi leh sa rinhlelh leh tihhlumah a แนญuan an ti a. ‘Death commissions’ dinin, politics vanga an mi man sang tel tehmeuh an tihlum a. An tihhlum te hi hmuhchhuah mai harsa turah chhinchhiahna awm lovin an phum a ni.
(๐บ๐๐๐ ๐๐๐๐๐๐ ๐๐๐๐๐ ๐๐๐๐๐ ๐๐๐๐๐ ๐๐๐ ๐๐๐๐๐๐-๐๐๐๐ ๐๐๐๐๐๐ ๐๐๐ ๐๐๐๐ ๐ ๐ ๐๐ ๐)
